5 EFFECTS YASITISHA FILAMU ZAKE KUSAMBAZWA NA STEPS ENTERTAINMENT NA KUAMUA KUANZA KUSAMBAZA KAZI ZAKE YENYEWE.

5 Effects moja ya kampuni zinazotengeneza filamu na zilizoinua mastaa wengi Swahiliwood imeamua kujitoa Steps Entertainment katika kusambaza kazi zake. kwa muda mrefu sasa kazi za kampuni hiyo zilikuwa zikisambazwa na Steps lakini William Mtitu anayemiliki kampuni ya 5 Effects ameamua kujitoa na kukomaa mwenyewe katika usambazaji wa kazi zake. Hata hivyo inaonekana mambo hayako sawa baina ya kampuni hizo mbili zilizokuwa zikishirikiana. Mtitu alisema " sasa ni wakati wa ukombozi, hatuwezi kuwategemea watu kila siku lazima tujitahidi kufanya mabadiliko ili kuweza kuleta changamoto zaidi katika tasnia hii.". akichonga na modesigntz Mtitu aliendelea kwa kusema "najua itakua vigumu kuanza kusambaza wenyewe lakini tutajitahidi mpaka tutaweza tu, kitu kikubwa tunachokiomba ni sapoti ya watanzania, watanzania wakituelewa nini tunataka kukifanya basi ninaimani tutafanikiwa".

Kwasasa Mtitu aliyewika na Kundi la Mambo Hayo miaka kadhaa iliyopita yupo katika hatua za mwisho kumalizia filamu zake mbili ambazo atazisambaza mwenyewe baada ya kujitoa Steps. Filamu hizo ni Mr. Mkenga na Omega Confusion ambazo baadhi ya Mastaa waliogiza ni Irene Uwoya, Mariam Ismail, Mtittu mwenyewe na Kulwa Kikumba(Dude) ameigiza katika filamu ya Omega Confusion.

                                           Wiliam Mtitu