Steve Nyerere Adaiwa kuwa Mnafiki Kuwapatanisha Uwoya Na Wopler Huku Akiwa Katika Beef Na Batuli, Batuli Afunguka Live.

Batuli

Steve Nyerere ambaye ni muigizaji wa filamu Swahiliwood na pia mwenyekiti wa kundi la Bongo Movie anadaiwa kuwa mnafiki kuwapatanisha Jackline Wolper na Irene Uwoya ambao walikuwa kwenye beef la muda mrefu huku yeye mwenyewe akidaiwa kuwa kinara wa kuanzisha mabifu yasiyokuwa na kichwa wala miguu na wasanii wenzake akiwemo Yobnesh Yusuph "Batuli". Chanzo kimoja kikizungumza na Swahiliworldplanet kilisema kuwa " Steve Nyerere ni mnafiki kupitia uongozi wa kundi lao la Bongomovie, anajidai kuwapatanisha Wolper na Uwoya huku akiwa kwenye bifu la kijinga na Batuli, ni mtu wa mabifu yasio na maana na wasanii wenzake, tunaomjua tunamdharau tu" kilisema chanzo hicho ambacho kipo ndani ya tasnia ya filamu nchini na pia ndani ya kundi la Bongo Movie.
Baada ya kurushiwa habari hizo ilibidi kumtafuta Batuli ambaye anatamba katika filamu, Batuli alikubali kuwa hayuko kwenye maelewano mazuri na Steve huku akidai Steve ndiye chanzo cha bifu aliloliita la kijinga.
"Ni kweli  mimi na Steve Nyerere hatuna maelewano mazuri kwa sasa kiisa ni cha kijinga sana, Steve alinipigia simu akinipa taarifa ya kuwa kanipanga kwenye movie yake ambayo kawashirikisha Bongo movie wengi sana, ambapo alidai ya kuwa hata malipo atayafanya baada ya kuuza movie hiyo nikakubali kwa sababu kwanza ni msanii mwenzangu, pili movie ndio kazi yangu, basi baada ya siku kadhaa Steve akanipigia simu akaniambia niende nika-shoot nakumbuka ilikuwa mchana nikashangaa sana kwa sababu kabla mtu haja-shoot huwa kuna maandalizi ambayo mhusika anatakiwa kuyafanya ambayo ni kwanza aijue story ya movie anayoenda kuicheza, baada ya kuijua story anaenda kuandaa nguo, viatu na vinginevyo vinavyotakiwa kutokana na story au script inavyosema"

Star huyo anayesifika kwa urembo aliendelea kwa kusema " Nikamuuliza Steve mbona unanikurupusha nije ku-shoot nitakuja vipi wakati sijui movie inataka nini? au na-shoot vipi? Uhalisia gani? na kwa taratibu za movie ni lazima mwenye movie awaite awape script kila mhusika kisha baada ya kusoma mkubaliane malipo  and msanii anaenda kujiandaa na kazi aliyopewa, Baada ya kumuuliza nakumbuka Steve aliwaka kwenye simu na kuniambia basi basi kisha akakata simu kiukweli nilikasirika"

Steve Nyrere

Star huyo aliyejipatia umaarufu na filamu ya Fake Smile aliingia ndani zaidi kwa kusema "kwanza alikosea kiutaratibu halafu akanikatia simu hii inaonyesha wazi Steve anataka amburuze mtu atakavyo, utovu wa nidhamu alionao mwenyekiti huyu wa Bongo movie mimi siwezi kuendelea kuburuzwa kama mzigo natambua thamani yangu na thamani ya wenzangu, ukimpa mtu heshima halafu yeye akurudishie dharau ni dhahiri ya kuwa mtu huyo hajui utu, sio mara ya kwanza Steve kunionyesha dharau na ni tabia yake kununiana na wasanii au kugombana na wasanii kwa vitu kijinga, Kutokana na hilo nimeyasikia mengi anayoongea juu yangu"

Batuli alimalizia kwa kusema " ninachoweza kusema mwenyekiti wa Bongo movie Steve Nyerere arudi shule akajifunze utawala, hakuna anayetaka kuburuzwa, watu huongea kwa kuelewana na sio kununiana kama wake wenza cha msingi angeanza kujipatanisha yeye na alionuniana nao kwanza halafu ndio apatanishe wengine, Mungu hampendi mtu mnafiki, Steve Nyerere hajui nini maana ya kuwa kiongozi"

Hata hivyo mtandao huu ulipojaribu kumtafuta Steve juhudi hazikuzaa matunda mpaka tunaadika habari hii 

                                                                     Batuli

Follow us on twitter Swahili World Planet  and Like our facebook pages Swahili World Planet and Bongomovies SWP for more updates about Swahili movies latest news, gossip, celebrities, features, beauty, fashions, music plus Hollywood, Bollywood and Nollywood news, life styles news and more